Kosova ndërmerr hapa konkretë për gazetari të përgjegjshme dhe respektim të privatësisë, nënshkruhet marrëveshja

Në një veprim të rëndësishëm drejt forcimit të mbrojtjes së të dhënave personale dhe etikës në raportimin publik, pesë institucione të rëndësishme në Kosovë kanë nënshkruar një marrëveshje bashkëpunimi ndërinstitucional.

Marrëveshja është firmosur nga:

• Zyra e Kryeprokurorit të Shtetit (ZKPSH)
• Agjencia për Informim dhe Privatësi (AIP)
• Policia e Kosovës (PK)
• Inspektorati Policor i Kosovës (IPK)
• Asociacioni i Gazetarëve të Kosovës (AGK)

Këto institucione janë zotuar të respektojnë Ligjin Nr. 06/L-082 për Mbrojtjen e të Dhënave Personale dhe të nxisin një balancë të drejtë ndërmjet lirisë së shprehjes dhe të drejtës për privatësi.

Objektivat e marrëveshjes përfshijnë:

• Parandalimin e publikimit të të dhënave personale pa autorizim në media dhe hapësirën publike
• Forcimin e kuadrit ligjor dhe akteve nënligjore për mbrojtjen e të dhënave
• Rritjen e kapaciteteve të zyrtarëve publikë dhe gazetarëve në trajtimin e ndjeshëm të informacionit personal
• Krijimin e një Grupi Koordinues për monitorimin e zbatimit të marrëveshjes

Kjo nismë synon të garantojë mbrojtjen e të dhënave personale të qytetarëve, të ruajë integritetin e hetimeve penale dhe të promovojë një gazetari profesionale, të bazuar në standardet më të larta të etikës dhe transparencës.

Rruga Press