Koreja e Jugut shpreh shqetësimin për masakrën ndaj civilëve në Bucha

Ministria e Punëve të Jashtme të Koresë së Jugut ka shprehur shqetësimin për masakrën e civilëve në Ukrainë.

Zbulimi i trupave të civilëve të shpërndarë nëpër rrugë, si dhe i një varri masiv në Bucha, jashtë Kievit, ka shkaktuar zemërim ndërkombëtar.

“Një masakër e civilëve gjatë kohës së luftës është një shkelje e qartë e ligjit ndërkombëtar,” tha ministria në një deklaratë për shtyp të martën.
Ministria tha gjithashtu se mbështet deklaratën e mëparshme të Sekretarit të Përgjithshëm të OKB-së, António Guterres, i cili kërkonte një hetim të pavarur për vrasjen e civilëve në Bucha.

Rruga Press