Konjufca: Lufta në Ukrainë e tregoi rëndësinë që ka anëtarësimi në NATO

Kryetari i Kuvendit të Kosovës, Glauk Konjufca, pas takimit me homologun nga Maqedonia e Veriut, ka thënë se veprimet e parlamenteve të dy shteteve janë të koordinuara dhe në bashkëpunim.

“Patëm një vizitë vërtetë të rëndësishme që e tregon edhe njëherë për afërsinë e nevojshme e bashkëpunimin e ngushtë që e kanë republikat tona në të gjitha fushat e jetës por edhe në ato që na presin në të ardhmen në sfidat. Roli i parlamenteve tona është shumë i rëndësishëm. Kuvendi e miratoi në të njëjtën kohë me Kuvendin e Maqedonisë rezolutën për Ukrainën. Ne jemi të përcaktuar dhe jemi shumë të gëzuar që në të njëjtën kornizë po veprojmë edhe me republikën e Maqedonisë së Veriut për sanksionet që po ja vendosim Federatës Ruse”, ka thënë Konjufca.

Ai ka thënë se lufta në Ukrainë e ka nxjerr në pah rëndësinë e anëtarësimit në NATO.

Rruga Press