Konfirmohet, raketat ruse godasin shtetin anëtar të NATO-s
Raketat ruse kanë vrarë dy persona në Poloninë anëtare të NATO-s dhe lajmi tashmë është konfirmuar në disa prej mediave më prestigjoze ndërkombëtare.
Nuk dihet akoma lokacioni i saktë nga ku janë nisur raketat dhe nuk dihet akoma nëse është sulm i kordinuar apo aksidenta.
Mediat polake thanë se raketat goditën një zonë ku po thahej gruri në Przewodow, një fshat në Poloninë lindore pranë kufirit me Ukrainën.
Zëdhënësi i qeverisë polake Piotr Mueller nuk e konfirmoi informacionin, por tha se udhëheqësit po diskutonin një “situatë krize”.
“Zjarrfikësit janë në vend – nuk është e qartë se çfarë ka ndodhur,” tha zjarrfikësi Lukasz Kucy.
Moska lëshoi një numër të madh raketash në Ukrainë të mërkurën, duke lënë pa energji elektrike shtatë milionë familje.
Është e paqartë nëse dy raketat që me sa duket goditën në Poloni ishin pjesë e së njëjtës valë, por është hera e parë që raketat ruse kanë arritur në Poloni.
Polonia nuk është përfshirë në luftë, por ka mirëpritur miliona refugjatë ukrainas dhe e ka dënuar gjerësisht luftën.
Ministri i Mbrojtjes i Letonisë, Artis Pabriks, në Twitter shprehu ngushëllime “vëllezërit tanë polakë”.
“Regjimi kriminal rus lëshoi raketa që synojnë jo vetëm civilët ukrainas, por edhe zbarkuan në territorin e NATO-s në Poloni”, shkroi ai.”
“Letonia qëndron plotësisht me miqtë polakë dhe e dënon këtë krim.”
Rruga Press