Konfindustria kritika programit “Rama 3”: S’ka profesionalizëm e besueshmëri, mungon analiza

Konfindustria ka reaguar lidhur me programin e qeverisë “Rama 3” duke u shprehur se vlerëson në tërësinë e shtyllave kryesore të paraqitura, është larg pritshmërive të biznesit dhe përballjes me problematikat kryesore të ekonomisë shqiptare.

Konfindustria është i paharmonizuar në pjesët dhe se është në mungesë të profesionalizmit dhe shkallës së besueshmërisë të arritjes së qëllimeve dhe objektivave të paraqitura.

Sipas Konfindustria-s, në programin e paraqitur mungon analiza e thelluar e shmangies së lartë të mosarritjes së qëllimeve të programit ekonomik të mëparshëm.

Po ashtu thekson se në program mungon analiza e thelluar dhe paraqitja e politikave të reja të përmirësimit të të metave thelbësore të sistemit të sotëm ekonomik si;

-shkalla e lartë e monopolizimit sidomos në sektorët strategjikë,

-konkurrenca e ulët e pamjaftueshme,

-roli tërësisht i munguar i agjencive rregullatore të tregut,

-korrupsioni i tipit primitiv dhe “state capture/kapje e shtetit”,

-prokurimin publik, politikat koncesionare dhe PPP, në nivel qendror dhe vendor, –

-shkallës së lartë të pranisë së “parave të zeza” dhe informalitetit të përhapur.

Konfindustria shton se programi qeverisës Rama 3 nuk paraqet politikat ekonomike, tregtare, financiare dhe fiskale të ndara sipas sektorëve dhe mënyrës sesi duhet bërë shpërndarja e investimeve buxhetore me qëllim rritjen e efektivitetit të përdorimit.

Në reagon përfundohet duke pohuar se besueshmëria e arritjes së suksesit të programit të Qeverisë Rama 3, ulet ndjeshëm edhe nga ndërtimi i ministrive më pjesë përbërëse, që kanë përplasje interesi institucional ndërmjet tyre.

Rruga Press