Kina aprovon për përdorim emergjent vaksinën e saj Sinopharm, me efektivitet 80%
KINË-Autoritetet shëndetësore të Kinës ditën e sotme kanë miratuar për përdorim emergjent vaksinën kundër Covid-19, të zhvilluar nga kompania farmaceutike Sinopharm.
Sinopharm ka deklaruar se vaksina e saj anti-Covid është 79% efektive, duke përmendur analizën e ndërmjetme të provave klinike të fazës së 3-të. Kjo pasoi provat e kryera në Emiratet e Bashkuara Arabe duke raportuar efikasitetin 86% më parë në dhjetor. Vaksinat nuk janë provuar në Kinë sepse virusi nuk është shumë i përhapur.
Ndërsa, në një konferencë për shtyp në Pekin, një task forcë shtetërore njoftoi se vaksina kishte tejkaluar standardet e Organizatës Botërore të Shëndetësisë dhe do të ndihmonte në krijimin e imunitetit efektiv në Kinë. Zeng Yixin, nënkryetari i komisionit kombëtar të shëndetit, ka deklaruar se vaksina është e sigurt dhe i ka inkurajuar njerëzit ta marrin vullnetarisht atë.
“Meqenëse vaksina kineze është provuar të jetë e sigurt dhe efektive, ne do të dëshironim të inkurajonim njerëzit tanë të marrin pjesë mbi një bazë vullnetare dhe të informuar,” -la thënë ai.
Deri më tani janë zhvilluar 5 vaksina që po përdoren për të luftuar koronavirusin, Pfizer, Moderna, Sputnik V dhe dy të tjera që janë miratuar së fundmi të AstraZeneca dhe Sinovac.
