KFOR-i mbledh përfaqësuesit e të gjitha komuniteteve fetare

Në Kampin “Villaggio Italia” në rajonin e Pejës, Komanda Rajonale Perëndimore e KFOR-it ka pritur në takim përfaqësues të të gjitha komuniteteve fetare të pranishme në zonën perëndimore të Kosovës.

Sipas njoftimit nga KFOR-i, takimi ka qenë për të diskutuar “në mënyrë të hapur dhe konstruktive të ardhmen e brezave të rinj dhe për të krijuar pikat e përbashkëta të reflektimit”.

“Të gjitha autoritetet fetare të pranishme mirëpritën iniciativën, duke shprehur njëzëri respekt dhe mirënjohje për ushtarët e kontingjentit shumëkombësh të KFOR-it”, thuhet në njoftimin e KFOR-it të premten.

Misioni i NATO-s në Kosovë ka përsëritur se është i përkushtuar ta mbështesë paqen, bashkëpunimin dhe përparimin e të gjithë njerëzve në Kosovë.

Rruga Press