Katari: Do duhen 3-5 vjet për të riparuar dëmet në impiantet e LNG-së nga sulmet iraniane

Sulmet e Iranit ndaj Katarit kanë dëmtuar objektet që prodhojnë 17 për qind të kapacitetit të eksportit të gazit natyror të lëngshëm (LNG) të vendit dhe do të duhen tre deri në pesë vjet për t’u rikthyer, tha për Reuters CEO i QatarEnergy, Saad al-Kaabi, duke iu referuar Ras Laffan në Katarin verior, qendra më e madhe e lëngëzimit të gazit natyror në botë.

Kompania shtetërore QatarEnergy mund të detyrohet të deklarojë forcë madhore në kontratat afatgjata deri në pesë vjet për furnizimet me LNG të destinuara për Italinë, Belgjikën, Korenë e Jugut dhe Kinën për shkak të dy trenave të dëmtuar, tha Kaabi.

“Dua të them, këto janë kontrata afatgjata që duhet t’i deklarojmë si forcë madhore. Ne i deklaruam tashmë, por ky ishte një afat më i shkurtër. Tani është cilado qoftë periudha”, tha ai.

Rruga Press