Kapet një anije mallrash dhe arrestohet kapiteni, transportoi ilegalisht grurin e vjedhur ukrainas

Një anije mallrash e huaj është sekuestruar dhe kapiteni i saj është arrestuar për pretendimin se ka eksportuar ilegalisht grurë ukrainas nga Krimea e pushtuar, ka pretenduar Ukraina.

Zyra e Prokurorit të Përgjithshëm të vendit tha se anija, e cila po lundronte nën flamurin e Kamerunit, eksportonte produkte bujqësore nga porti i Krimesë i Sevastopolit – një qendër kryesore ushtarake për Rusinë në Detin e Zi.

Ai gjithashtu pretendoi se drithi që eksportohej ishte prodhuar në jug të Ukrainës, raporton skynews.

Është e paligjshme të hysh në territorin ukrainas të njohur ndërkombëtarisht përmes një pike kufitare që nuk kontrollohet nga autoritetet ukrainase.

Sipas raportit, anija fillimisht u ankorua ilegalisht në Sevastopol në muajin nëntor të vitit 2023 dhe ishte ngarkuar me më shumë se tre mijë tonë produkte “të destinuara për një kompani turke”.

Për të fshehur aktivitetin e paligjshëm, sistemi automatik i identifikimit të anijes u çaktivizua përpara se të hynte në port, për të cilin Ukraina tha se ishte “një shkelje e rëndë e kërkesave të sigurisë detare”.

Prokurorët thanë se anija u kthye në muajin maj dhe u kap në portin ukrainas të Renit, ku zyrtarët gjetën dokumente të lëshuara nga autoritetet portuale të Sevastopolit.

Pushtimi në shkallë të plotë i Ukrainës në muajin shkurt të vitit 2022 bëri që Rusia të pushtonte me shpejtësi një pjesë të tokës bujqësore.

Kievi ka akuzuar Moskën për korrje të paligjshme dhe transportimin e grurit të prodhuar në territorin e pushtuar në vendet e treta.

Rruga Press