Johnson: Putini e paraqet Ukrainën si Millosheviqi dikur Kosovën

Ish-kryeministri britanik, Boris Johnson e krahasoi presidentin rus Vladimir Putin me ish-presidentin e Serbisë, njëherazi i akuzuar për krime lufte, Sllobodan Millosheviqin.

Ai tha se Putini ka gabuar në “mënyrë katastrofike”, kur vendosi të sulmojë Ukrainën.

“Të gjithë ne në qeverinë britanike kemi lexuar esenë e tij për Ukrainën, që e publikoi verën e kaluar. Ai në mënyrë thelbësore e vlerësoi gabimisht Ukrainën. Ishte sikur të lexonit për Sllobodan Millosheviqin që fliste për Kosovën”. Kështu u shpreh Johnsoni në një intervistë për Sky News.

“Millosheviqi mendonte që Kosova është pjesë përbërëse e Serbisë së Madhe dhe atdheu shpirtëror i kombit serb. Mendoj që Putini mendon njëjtë për Kievin dhe origjinën e besimit ortodoks”. Kështu theksoi ish-kryeministri britanik.

“Është një gabim total. Ukrainë është një kulturë evropiane e lirë dhe e pavarur me identitetin e saj, me ambiciet dhe fatin e saj. Ai bëri një gabim thelbësor”, tha për fund Johnson.

Rruga Press