Italia aprovon draftligjin për furnizimin e Ukrainës me armë dhe për vitin 2023
Me 125 vota pro, 28 kundër e 2 abstenim, Dhoma e Senatit në Parlamentin Italian ka aprovuar draftligjin e ndihmës me armatime ushtarake për Ukrainën dhe për gjatë gjithë vitit 2023.
Brenda pak javësh do të aktivizohet dërgimi i paketës së gjashtë të ndihmës ushtarake që Italia garanton për Ukrainën, e në këtë furnizim të fundit kërkesa është për sistemin antiraketa SAMPT-T.
Ky mekanizëm ushtarak që ka nisur të zhvillohet në fillim vitet 2000, në kuadër të programit italo-francez FSAF, në versionin aktual ka aftësinë e përparuar për të luftuar kërcënimet ajrore e raketat balistike taktike, me rreze të shkurtër veprimi.
Ky furnizim do ti kushtojë Italisë rreth 250 milionë euro, e pesë furnizimet e para ushtarake të kryera gjatë 2022 kanë pasur një kosto mbi 450 milionë euro.
“Italia do të vazhdojë të kryejë rolin e saj në Ukrainë, jemi gati për të dërguar armatime të reja me objektivin e gjethes së një paqe të drejtë që njeh pavarësinë e Kiev”, ka deklaruar ministri i Jashtëm italian Antonio Tajani.
Krahas ndihmës ushtrake Italia ka rritur me 10 milionë euro ndihmën ekonomike në Ukrainë e ka dërguar mbi 50 tonë materiale elektrike për rindërtimin e rrjetit elektrik i shkatërruar nga bombardimet ruse.
Kryeministrja italian Giorgia Meloni shumë shpejt do të kryejë një udhëtim zyrtar në Ukrainë e për të përgatitur këtë vizitë, pak orë më parë ka mbërritur në Kiev Ministri i Sipërmarrjeve dhe i Made in Italy, Adolfo D’Urso i shoqëruar me kreun e Konfindustrisë Italiane Carlo Bonomi.
Italia ofrohet për të ndihmuar Ukrainën në rindërtimin e vendit e gjatë takimit me Presidentin Zelensky e me zëvendëskryeministren,njëherrësh ministre e ekonomisë Yulia Svyrydenko e me kreun e andiministratës presidenciale Andriy Yermak, u nënshkrua një deklaratë e përbashkët për ngritjen e një tryeze pune për një bashkëpunim në sektorin e logjistikës, teknologjisë së lartë, hapësirë, makinerive bujqësore, start up, sipërmarrjeve të vogla e të mesme, investime, etj.
Me këtë rast brenda selisë së Ambasadës Italiane në Kiev u inugurua dhe zyra e Konfindustrisë.
Pak ditë më parë Ambasada ruse në Romë përmes një fotografie që shfaqte mina të prodhimit italian publikonte në twitter postimin “suvenir nga Italia”, e informacionin se minat të tipit S/6.1, TS50 e TS/2.4 (MATS/2) janë çaktivizuar nga inxhinierët rusë, fakt që u kundërshtua fort nga Ministri italian i Mnrojtjes Guido Crosetto i cili përmes një komunikimi mediatik zyrtar e quan këtë akuzë si një fake news për një seri motivesh duke e nisur nga fakti që prej 28 vitesh Italia nuk prodhon më mina, është një nga vend nënshkruesit e parë të paktit të Oktawia kundër minave antiperson e se sigla e shfaqur në minat e fotografuara nga Ambasada ruse tregojnë qartë se vend prodhimi i tyre është në Lindje.
Rruga Press