Ish-kryeministri rus thotë se tani është fillimi i fundit për Putinin

Kryeministri i parë nën Vladimir Putin ka thënë se fjalimi i sotëm i Ditës së Fitores tregoi se presidenti rus është i vetëdijshëm se lufta e tij po dështon.

Ish-kryeministri rus Mikhail Kasyanov tha se zoti Putin tani është në telashe dhe se është “fillimi i fundit të epokës së Putinit”.

Duke folur për Sky News, ai tha se presidenti rus ishte “mashtruar” dhe nuk priste këtë nivel rezistence nga Ukraina.

Ish-kryeministri, i cili ka folur më parë kundër luftës, tha se Putin ka “vjedhur” Ditën e Fitores nga rusët si një kujtim i anëtarëve të familjes dhe “krijoi një instrument propagande”.

Ai tha se fakti që nuk u shpall fitorja sot do të thotë se forcat ruse po “humbin forcën”.

Ndërkohë, një tjetër ish politikan rus ka sugjeruar gjithashtu se zoti Putin mund të shkarkohet.

Genadi Gudkov, një ish-anëtar i opozitës liberale në mërgim, shkroi në Twitter: “Putini përsëriti citate nga sirtari i zombive, duke mos guxuar asgjë më serioze. Kështu që Kremlini nuk ka më asnjë mashtrim në rezerva. Tani humbja e Putinit është çështje kohe !”

Rruga Press