Irani thotë se mund të bëhet kalimi i sigurt nëpër Ngushticën e Hormuzit

April 8, 2026 user 1

Ministri i jashtëm i Iranit, Abbas Araghchi, ka thënë në një deklaratë se Teherani do të pushojë kundërsulmet dhe do të sigurojë kalim të sigurt përmes rrugës ujore në Ngushticën e Hormuzit, nëse ndalojnë sulmet kundër tij.

Këshilli Suprem i Sigurisë Kombëtare i Iranit e përshkroi marrëveshjen si një fitore ndaj SHBA-së, duke pretenduar se Trumpi kishte pranuar kushtet e Iranit për t’i dhënë fund armiqësive.

Lexo më shumë ‘Na subvencionojnë 7 herë më pak se rajoni’/ Blegtorët dhe fermerët protestë para Ministrisë së Bujqësisë në Tiranë

Ndërkaq, Trumpi i ka thënë agjencisë franceze të lajmeve AFP se ishte një “fitore totale dhe e plotë”.

“Fitore totale dhe e plotë. 100 përqind. Pa dyshim”, ka thënë Trumpi kur është pyetur nëse po pretendonte fitoren me armëpushimin.

Lufta e cila të shtunën ka hyrë në javën e gjashtë ka marrë më shumë se 5,000 jetë njerëzish në disa vende të Lindjes së Mesme, përfshirë më shumë se 1,600 civilë në Iran, sipas të dhënave nga burime qeveritare dhe grupe të të drejtave të njeriut.

Lexo më shumë Shqipëria t’u dalë në krah studentëve në protestë e krejt shqiptarëve në RMV. E t’u dalë në krah jo me hashtage, jo me deklarata FB-je, por me veprime te qarta e të prera diplomatike, qoftë edhe duke thirrur në kauzë Arbitrin Ndërkombëtar

Një burim i informuar mbi bisedimet ka shprehur kujdes në lidhje me mbajtjen e armëpushimit dyjavor, duke thënë se pala amerikane besonte se Irani po përpiqej të fitonte kohë.

Rruga Press