Inteligjenca ukrainase: Rusët po blejnë terminale Starlink në vendet arabe

February 13, 2024 User2

Pushtuesit rusë po blejnë sisteme të komunikimit satelitor Starlink në vendet arabe.

Këtë e ka bërë të ditur Drejtoria kryesore e Inteligjencës e Ministrisë së Mbrojtjes së Ukrainës (HUR) në Facebook, transmeton Ukrinform.

Rusia po blen pajisje komunikimi në vendet arabe, duke përfshirë terminalet Starlink, për përdorim në luftë, thuhet në raport.

Lexo më shumë Aktori i Oscar: Trumpi nuk do të largohet kurrë nga detyra, u takon amerikanëve ta heqin qafe atë

Në një përgjim radiofonik të fundit, rusët po diskutojnë mundësitë përkatëse për blerjen e një terminali Starlink, tha agjencia e inteligjencës ushtarake e Ukrainës.

Sipas një pushtuesi, “arabët sjellin gjithçka: tela, Wi-Fi, router…”, dhe kostoja e një pajisjeje Starlink është 200,000 rubla.

HUR më herët konfirmoi se pushtuesit rusë po përdornin gjithnjë e më shumë sistemet e komunikimit satelitor Starlink në vijat e frontit.

Lexo më shumë Gjermania dhe Belgjika paralajmërojnë Hungarinë për 'kalimin e vijës së kuqe' për shkak të vetos ndaj Ukrainës

Sipas inteligjencës, bisedat e përgjuara midis forcave ruse zbuluan se terminalet Starlink ishin vendosur midis trupave që vepronin pranë qyteteve Klishchiivka dhe Andriivka në rajonin e Donetsk.

Elon Musk më vonë deklaroi se SpaceX nuk i kishte shitur terminalet Starlink Rusisë.

Rruga Press