Inteligjenca britanike: Ukraina po i shkatërron me sukses dronët iranianë

Forcat e Armatosura të Ukrainës kanë shënuar sukses të madh në luftimin e dronëve iranianë, Shahed-136, që po shfrytëzohen nga trupat ruse, thuhet në njoftimin e Inteligjencës së Britanisë së Madhe.

Siç raportoi BBC-ja të hënën, ushtria ukrainase deri më tani i ka zmbrapsur 85 për qind të sulmeve me dronët kamikazë, ndërsa më pak se 30 për qind kanë prekur cakun kur ishin nisur.

Britania theksoi se Rusia i ka porositur 1700 dronë të të gjitha llojeve, por që ata ende nuk janë prodhuar.

Ukrainës, në ndihmë i ka dalë edhe Izraeli, duke i ofruar mbështetjen e nevojshme kundër dronëve Shahed-136. Që nga 22 tetori, Rusia i ka përdorur 330 dronë të tillë, derisa 222 prej tyre janë rrëzuar.

Shtetet e Bashkuara të Amerikës i kanë ofruar ndihmë Ukrainë në luftë kundër dronëve, duke ia siguruar hapësirën ajrore.

Një javë më parë, Rusia sulmoi Kievin me dronë iranianë. Këto makina luftarake janë të ngadalta, me zë të lartë dhe fluturojnë ulët, duke i bërë më të lehta për t’u luftuar.

Rruga Press