Impakti nga Brexit, Irlanda pritet të marrë 920 milionë euro nga BE

Republika e Irlandës pritet të përfitojë 920 milionë euro nga një fond i posaçëm i Komisionit Europian, i cili është përcaktuar për të “zbutur impaktin e Brexit”.

Rezerva e Rregullimit të Brexit është e disponueshme për të gjitha shtetet anëtare të Bashkimit Evropian ndërkohë që ka një përqendrim të fortë tek ata që janë më të prekur.

Komisioni shprehet se Irlanda është përfituesja më e madhe dhe vendi i parë që përfiton nga ky fond, i cili arrin në 5.4 miliardë euro.

Qeveria irlandeze pritet ta marrë këstin e parë prej 361 milionë eurosh në 2021, 276 milionë në 2022 dhe 282 milionë euro në 2023.

Sipas komisioneres Elisa Ferreira, Brexit shkaktoi një impakt negativ në jetën e shumë njerëzve dhe qytetarët e Irlandë ishin ata që e ndjenë më shumë.

“Fondi që Irlanda do të përfitojë do të kontribuojë në përmirësimin e standardeve të jetesës, suportojë ekonominë vendase dhe zbusë impaktet negative në komunitetet lokale”, shtoi Ferreira.

Rruga Press