I dyshuari për spiunazh, Fatmir Sheholli del para gjykatës

Fatmir Sheholli, i dyshuar për spiunazh, është sjellë para gjykatës për caktimin e masës së sigurisë.

Lajmin e ka konfirmuar zëdhënësja e Gjykatës Themelore në Prishtinë, Mirlinda Gashi.

“Është duke u mbajtë seanca dëgjimore”, ka thënë Gashi.

Ndërkaq, sot Prokuroria Speciale e Kosovës paraqiti kërkesë për caktimin e masës së paraburgimit në Gjykatën Themelore në Prishtinë, ndaj Fatmir Shehollit, nën dyshimin se ka kryer veprën penale “Spiunazh”.

Lajmin e bëri të ditur për Telegrafin zëdhënësja e Prokurorisë Speciale të Kosovës, Arbnora Luta.

Ndryshe, analisti politik Fatmir Sheholli është arrestuar ditën e enjte nga Policia e Kosovës, në bashkëpunim me Agjencinë e Kosovës për Inteligjencë.

Arrestimi i Shehollit është bërë mbi dyshime të bazuara për përfshirje në veprimtari spiunazhi.

Rruga Press