Hyseni: 12 parqe, frymëmarrje për Gjilanin

June 19, 2025 User2

Shtimi i sipërfaqeve gjelbëruese apo parqeve në Komunën e Gjilanit, është rritur si asnjëherë më parë. Kështu thotë kreu i kësaj komune, e që sipas tij, krahas saj është shtuar edhe përkujdesja e mirëmbajtjes së këtyre hapësirave, derisa zgjerimi i hapësirave gjelbëruese vazhdon të rritet edhe me parqe të reja për qytetarët.

Lexo më shumë Gjykata e Strasburgut regjistron për herë të parë padinë kundër Serbisë për pasivizimin e adresave në Luginë

Kryetari i Komunës së Gjilanit, Alban Hyseni, tha se 12 parqe janë frymëmarrje për këtë qytet.

“Një nga arritjet më të prekshme gjatë këtij mandati është transformimi i hapësirave publike në zona të gjelbra dhe relaksi për qytetarët tanë”, tha Hyseni në një video në Facebook..

I pari i Gjilanit, theksoi se janë 8 parqe të rregulluara në 3 vite e gjysmë dhe parku “Banja” është vetëm një prej tyre.

Lexo më shumë PDK synon ta dobësojë Kurtin, LDK kërkon bashkëqeverisje, AAK rrezikon pragun

“Por nuk ndalemi këtu, shumë shpejt do të njoftojmë edhe për 4 parqe të reja, të planifikuara dhe gati për realizim. 12 parqe të reja në total, për 4 vjet qeverisje janë një hap i madh për një qytet më të gjelbër, më të bukur dhe më të jetueshëm”, tha Hyseni.

Rruga Press