Hungaria nuk do të përdorë veto kundër sanksioneve të BE-së ndaj Rusisë

Hungaria nuk do të përdor veton kundër sanksioneve të Bashkimit Evropian ndaj Rusisë lidhur me sulmin që ky shtet po i bën Ukrainës.

Kryeministri, Viktor Orban, tha se uniteti i bllokut 27-anëtarësh është parësor duke pasur parasysh luftën në Ukrainë.

Këtë javë, Hungaria iu bashkua një nisme të tetë liderëve të BE-së për të filluar bisedimet e anëtarësimit me Ukrainën fqinje, por Hungaria anëtare e NATO-s ka refuzuar transportin e armëve vdekjeprurëse përmes territorit të saj për në Ukrainë.

58-vjeçari Orban përballet me zgjedhjet në pak më shumë se katër javë, por fushata e tij është komplikuar nga rritja e inflacionit, një ngrirje e financimit të BE-së për shkak të një mosmarrëveshjeje mbi standardet demokratike dhe pasojat nga lufta në Ukrainë.

“Ne e dënojmë sulmin rus, pasi ata kanë nisur një luftë kundër Ukrainës”, tha Orban për faqen e lajmeve mandiner.hu në një intervistë të botuar të enjten.

“Palët duhet të kthehen në tryezën e bisedimeve sa më shpejt të jetë e mundur. E gjithë Europa duhet të punojë për paqen”, tha Orban.

Rruga Press