Hulumtuesja amerikane, Stradner: Vuçiqi do ta humb mbështetjen perëndimore, fuqia e tij do të bie
Hulumtuesja amerikane, Ivana Stradner, ka thënë se presidenti i Serbisë, Aleksander Vuçiq, do të humbasë mbështetjen perëndimore dhe fuqia e tij do të fillojë të bie.
Ajo është shprehur e shqetësuar me gjendjen e lirisë së shprehjes në Beograd derisa ka thënë se po bëhet si në Bjellorusi.
“Jam vërtet e shqetësuar për gjendjen e lirive në Serbi, e cila po kthehet ngadalë në Bjellorusinë e Lukashenkos. Çdo ditë njerëzit raportojnë se ftohen të flasin me policinë për postimet e tyre në mediat sociale”, ka shkruar ajo në Twitter.
Ajo ka thënë se kjo edhe pritet nga një politikan i cili mentor e kishte Millosheviqin.
“Çfarë tjetër mund të presësh nga i mentoruari i Millosheviqit që është në pushtet tani. Por shënoni fjalët e mia, Vuçiq përfundimisht do të humbasë mbështetjen perëndimore dhe fuqia e tij do të fillojë të bie. Atëherë ai do të tregojë personalitetin e tij të pamëshirshëm”.
Tutje theksoi se Vuçiq është person jashtëzakonisht i prirur nga egoja dhe i mllefosur, i cili vuan nga kompleksi i epërsisë.
“Pse? Sepse pa një pushtet absolut ai nuk është asgjë. Dhe me të vërtetë e kam fjalën. Ai nuk ka pasur asnjë punë tjetër përveçse në politikë”, ka thënë ajo.
I’m really concerned about the state of freedoms in Serbia, which is turning slowly into Lukashenko’s Belarus.
— Ivana Stradner 🇺🇸🇺🇦 (@ivanastradner) June 22, 2023
Every day people report that they are invited to speak with police about their social media posts. 😞 luckily, the Serbs are super strong people who went through a lot…
Rruga Press