Historia e familjes ukrainase që u strehua në bodrumin e shtëpisë në Bucha për dy javë

Ukrainasi Dmytro Lisovyy ishte strehuar në bodrumin e shtëpisë së tij në Bucha për dy javë, ndërsa rusët sulmonin “çdo ditë dhe çdo natë” aty pranë.

Trupat ruse ishin “të pranishme në rrugë. Ndoshta nga dita e katërt ose e pestë, ata vendosën të kontrollonin të gjitha shtëpitë. Ata erdhën në shtëpinë tonë. Ata shkatërruan të gjitha pajisjet elektronike brenda shtëpisë sonë, duke përfshirë laptopët, duke përfshirë televizorin e kështu me radhë. “- tha Lisovyy për CNN.

Ndërkohë që trupat u përpoqën të gjenin telefonat inteligjentë, Lisovyy tha se familja e tij fshehu telefonat.

“Si rezultat, ne kemi disa lidhje me botën. Ne e kuptojmë se çfarë po ndodh dhe kur mund të jetë koha për evakuim,” tha ai.

Lisovvy foli gjithashtu për tmerrin e të jetuarit aty.

“Ishte e tmerrshme të kuptosh se çdo minutë diçka mund të fluturonte në shtëpinë tënde. Gjithashtu, thjesht mund të vinte dhe të vriste dikë ose të shkatërronte disa nga gjërat e tua,” tha ai.
Përfundimisht, ai dhe familja e tij vendosën të merrnin rrezikun dhe të përdornin një rrugë evakuimi për të shpëtuar.

Territori ishte “i gjithi i kontrolluar nga trupat ruse. Kishte shumë makina civile të shkatërruara nga rusët gjatë evakuimit tonë. Ne e pamë atë. Ata po qëllonin. Ishin makina civile – jo disa trupa të tjera apo diçka tjetër,” tha ai duke folur për rrezikun që familja e tij ndërmori për të shpëtuar.

Ata tani janë të sigurt dhe Lisovyy foli për CNN nga Kievi. Megjithatë, shumë nga miqtë e tij mbeten ende në Bucha.

“Miqtë e mi, për fat të keq, janë ende në këtë zonë pa asnjë lidhje për një kohë të gjatë. Askush nuk e di nëse ata mbijetuan ose nëse janë mirë,” tha ai.

Rruga Press