HEC-et shkatërruan zonën/ Banorët e Selitës në Mirditë e fshatrave të Matit dalin në protestë

Banorët e Selitës në Mirditë dhe të disa fshatrave të Matit kanë dalë në protestë për shkatërrimin e zonës nga ndërtimi i HEC-eve.

Sipas tyre pasojat janë katastrofike dhe asnjë prej kushteve në kontratë nuk është zbatuar. HEC-i ka shkatërruar biodiversitetin, ku si pasojë e hedhjes së dherave pa kriter, qindra hektarë pyje janë dëmtuar.

Banorët thonë se në vend të bujtinave në fshatin turistik të Lufajve, shteti dhe firma e ndërtimit, ngritën beton dhe zhdukën lumin e Urakës.
Sipas banorëve, nga 200 litra uji në sekond që ka pasur prurje lumi i Urakës, asnjë pikë nuk rrjedh në 12 muajt e vitit.

Ata kërkojnë gjithashtu edhe rehabilitimin e zonës dhe mbjellje pemësh, nëpër gjurmën e kalimit të tubave

Banorët kanë paralajmëruar se do t’u rikthehen ligjeve të vjetra, nëse institucionet përfshirë dhe SPAK, nuk reagojnë.

Rruga Press