Hakerët rusë shënjestrojnë ministrat në të gjithë botën përmes WhatsAppit

Hakerët rusë të lidhur me shtetin kanë vënë në cak llogaritë e WhatsAppit të ministrave qeveritarë dhe zyrtarëve në tërë botën, me email-a që i ftojnë t’u bashkohen grupeve në aplikacionin e mesazheve.

Taktika me WhatsAppin shënon një qasje të re nga hakerët të quajtur “Star Blizzard”. Qendra për Sigurinë Kibernetike Kombëtare e Britanisë e ka lidhur “Star Blizzardin” me agjencinë e spiunazhit të Rusisë, FSB, dhe e ka akuzuar për “minim të besimit në politikat në Britani dhe shtete të ngjashme”, raportoi Guardian. 

Viktimat thuhet se kanë pranuar një email nga një haker që është shfaqur si zyrtar i Qeverisë amerikane, duke i kërkuar të klikojë në një kod që i dha atij më pas qasje në llogarinë e WhatsAppit.

Nuk dihet nëse janë vjedhur të dhëna nga llogaritë.

Rruga Press