Granit Xhaka, futbollisti i 16-të më i mirë në botë

October 28, 2024 User2

Granit Xhaka është renditur i 16-ti në garën për Topin e Artë për edicionin 2023/2024.
Ceremonia Topi i Artë mbahet prej orës 20:45 në Pars, ndërsa “France Football” ka nisur zbulimin e renditjes shumë orë më parë.

Granit Xhaka ishte në mesin e 30 të nominuarve, kurse në renditjen përfundimtare është i 16-ti.
Xhaka në edicionin e kaluar e udhëhoqi Bayer Leverkusenin drejt titullit të kampionit në Bundesligë. Leverkuseni e fitoi edhe Kupën e Gjermanisë, ndërsa u mposht në finale të Ligës së Evropës.
Xhaka është shqiptari i parë i nominuar për Topin e Artë.

Lexo më shumë Avokati i FFK-së reagon pas vendimit të UEFA-s: Nuk do të ndalemi me kaq – do ta apelojmë në CAS

I 17-ti është Federico Valverde i Real Madridit, kurse i 18-ti portieri i Aston Villas dhe Argjentinës, Emiliano Martinez.

Rruga Press