Gjykata Ndërkombëtare Penale hap një zyrë në Ukrainë
Gjykata Ndërkombëtare Penale hap një zyrë në Ukrainë për të hetuar autorët e krimeve.
“Ne nuk do të ndalemi derisa autorët e krimeve ndërkombëtare të kryera në Ukrainë të sillen para drejtësisë”, theksoi prokurori.
Gjykata Ndërkombëtare Penale dhe Ukraina nënshkruan sot një marrëveshje për funksionimin e zyrës së Gjykatës në vend, njoftoi GJNP, e cila javën e kaluar lëshoi një urdhër arresti ndërkombëtar kundër presidentit rus Vladimir Putin.
” Është vetëm fillimi, një fillim i mirë,” tha Prokurori i Përgjithshëm i Ukrainës Andriy Kostin për marrëveshjen që ai nënshkroi në emër të vendit të tij në Hagë, shtëpia e Gjykatës Penale Ndërkombëtare.
” Unë jam i bindur se ne nuk do të ndalemi derisa autorët e krimeve ndërkombëtare të kryera në Ukrainë të sillen para drejtësisë .”shton në njoftimin e tij Prokurori i Përgjithshëm.
Dhe këtë “pavarësisht pozicionit të tyre politik apo ushtarak” , raporton Andrii Kostin , pasi përshëndeti vendimin “historik” të GJNP-së për të lëshuar një urdhër arresti ndërkombëtar kundër Putinit për krimin e luftës të shpërnguljes së fëmijëve të Ukrainës.
Prokurori i Përgjithshëm ukrainas kishte njoftuar në fillim të marsit se Kievi po përgatitej të hapte një zyrë të Gjykatës Ndërkombëtare Penale.
Kërcënimet nga Rusia
Dje, organi legjislativ i Gjykatës Penale Ndërkombëtare denoncoi “kërcënimet” që vijnë nga Rusia kundër anëtarëve të Gjykatës pas lëshimit të urdhër-arrestit kundër presidentit rus dhe Komisioneres Ruse për të Drejtat e Fëmijëve, Maria Lvova-Belova.
Rusia njoftoi të hënën hapjen e një hetimi penal kundër prokurorit dhe tre gjyqtarëve të Gjykatës Ndërkombëtare Penale.
Dmitry Medvedev, anëtar i Këshillit të Sigurimit të Rusisë, i njohur për deklaratat e tij delirante, këshilloi, sipas mediave holandeze, në të njëjtën ditë përmes Telegramit se gjyqtarët e GJNP-së “shikojnë me kujdes qiellin”.
Gjykata Ndërkombëtare Penale u krijua në vitin 2002 për të gjykuar krimet më të tmerrshme të kryera në botë. Ajo operon shtatë zyra: në Kinshasa dhe Bunia, Republika e Kongos, Kampala, Uganda, Bangui, Republika e Afrikës Qendrore, Abidjan, Bregu i Fildishtë, Tbilisi, Gjeorgji dhe Bamako, Mali.
Rruga Press