Gjilas thotë se fëmija e pyet Vuçiqin se çfarë bëri atë ditë: Babi propozoi të vrisnin 100 myslimanë për një serb
Kryetari i Partisë për Liri dhe Drejtësi në Serbi, Dragan Gjilas, reagoi në rrjetet sociale ndaj një deklarate të presidentit serb Aleksandar Vuçiq në lidhje me njerëzit që bllokonin rrugët, duke e quajtur njërin prej tyre “idiot”.
Vuçiqi e quajti një burrë që bllokoi trafikun në shenjë proteste duke kaluar vazhdimisht një vendkalim për këmbësorë, “idiot”.
“Imagjinoni një fëmijë që ju pyet: ‘Çfarë bëre sot, babi?’ Hej, unë kalova të njëjtën rrugë në një vendkalim për këmbësorë 400 herë. Imagjinoni çfarë idioti duhet të jeni për ta bërë këtë”, tha Vuçiqi.
Gjilas reagoi ndaj kësaj deklarate duke iu përgjigjur Vuçiqit, në mënyrën që Vuçiq do t’i përgjigjej fëmijës së tij nëse ai do ta pyeste se çfarë bënte në një ditë të caktuar.
“Sot, në Parlament, babi propozoi që të vriten 100 myslimanë për çdo serb. Sot, babi, me kumbarin tonë, xhaxhain Sheshelin, nxori nga kopshti një fëmijë me kombësi kroate. Sot, për të qëndruar në pushtet, babi gënjeu se nuk ishte bërë asgjë në çatinë që mbyti 16 persona”, tha Gjilas.
Pita se Vučić šta kaže otac koji je hodao po pešačkom da bi blokirao saobraćaj kada ga dete pita šta je radio tog dana.
— Dragan Djilas (@DraganDjilas) July 1, 2025
A šta bi rekao ti rekao Vučiću kada bi tebe dete pitalo isto?
Eto malo sam sa čika Šeseljem izbacivao decu druge nacionalnosti iz vrtića…
ili – lagao sam da… pic.twitter.com/m1WBh2xQm2
Rruga Press