Gjashtë herë kryeministër, Ranil Wickremesinghe zgjidhet President në Sri Lankën e goditur nga kriza

Ligjvënësit e Sri Lankës zgjodhën atë që ka qënë 6 herë kryeministër, Ranil Wickremesinghe, si President të vendit të mërkurën që do të pasojë liderin e rrëzuar që u largua nga vendi, zgjedhje me një votim që rrezikon të rindezë debatet politike në vendin e trazuar ishullor të Azisë Jugore.

Ish-presidenti Gotabaya Rajapaksa e emëroi z. Ranil Wickremesinghe si kryeministër në maj, me shpresën për të sjellë stabilitet në një vend të përfshirë nga kriza më e keqe ekonomike që mbahet mend.

Ranil Wickremesinghe u bë President në detyrë kur Rajapaksa iku nga vendi javën e kaluar dhe dha dorëheqjen me email.

Wickremesinghe, 73 vjeç, është një politikan me përvojë me përvojë.

Votimi i 134 ligjvënësve e vendosi Rani Wickremesinghe përpara ish-Ministrit të qeverisë, Dullas Alahapperuma, i cili mori 82 vota. Kurse kandidati marksist mori tre.

Parlamenti i Sri Lankës votoi me votim të fshehtë të mërkurën për një President të ri për të nxjerrë vendin nga kriza e thellë politike, ekonomike dhe humanitare që rrëzoi liderin e mëparshëm dhe ka lënë tensionet ndezur në kombin ishull.

Kryeministri dhe presidenti në detyrë Ranil Wickremesinghe, ka qenë fytyra e trajtimit të krizës ekonomike nga qeveria.

HISTORIA NE ZHVILLIM NGA DJE

Kryeministri i Sri Lankës dhe Presidenti në detyrë, Ranil Wickremesinghe, do të përballej me dy rivalë në votimin parlamentar të mërkurën se kush do të pasojë liderin e rrëzuar që u largua nga vendi javën e kaluar mes protestave të mëdha të shkaktuara nga kolapsi ekonomik.

Wickremesinghe, një kryeministër gjashtë herë në fuqi, është një politikan me përvojë të gjerë në çështjet diplomatike dhe ndërkombëtare dhe ka udhëhequr bisedimet vendimtare për një paketë shpëtimi ekonomik me Fondin Monetar Ndërkombëtar.

Ai mbështetet nga anëtarë të koalicionit të fragmentuar qeverisës, por është i papëlqyeshëm në mesin e votuesve që e shohin atë si të mbetur nga qeveria e mëparshme që e çoi vendin në katastrofë ekonomike.

73-vjeçari Wickremesinghe u emërua Kryeministër nga Presidenti i rrëzuar Gotabaya Rajapaksa në maj për të ndihmuar në rivendosjen e besueshmërisë ndërkombëtare të Sri Lankës.

Sfidanti kryesor, ish-ministri i qeverisë Dullas Alahapperuma, u emërua të martën nga një fraksion i shkëputur i koalicionit qeverisës pasi kreu i opozitës Sajith Premadasa u tërhoq dhe tha se do ta mbështeste atë.

“Për të mirën më të madhe të vendit tim që e dua dhe njerëzve që dua, unë e tërheq kandidaturën time për postin e presidentit”, tha Premadasa në një postim në Tëitter.

Udhëheqësi i partisë marksiste, Anura Dissanayake, 53 vjeç, pritet gjithashtu të kundërshtojë votimin parlamentar të së mërkurës. Ai gjithashtu kandidoi për president në vitin 2019.

Ish-presidenti Rajapaksa u largua nga vendi pasi protestuesit të indinjuar nga kriza sulmuan rezidencën e tij zyrtare dhe  pushtuan ndërtesa të tjera kryesore publike. Ai më pas dorëzoi dorëheqjen e tij nëpërmjet një e-maili tek kryetari i Kuvendit.

Kundërshtarët e kandidaturës së Wickremesinghe kanë frikë se ai përfaqëson një zgjatje të sundimit të Rajapaksa dhe një rikthim të mundshëm për familjen politike të rrëzuar.

Gjykata e Lartë hodhi poshtë të martën një peticion kundër statusit të Wickremesinghe si ligjvënës, duke i hapur rrugën atij për të kandiduar për president. Ai pason vëllanë më të vogël të Rajapaksa, Mahinda Rajapaksa, në postin e Kryeministrit, pasi ai dha dorëheqjen si përgjigje ndaj presionit masiv publik.

Wickremesinghe mori gjithashtu rolin e Ministrit të Financave, duke u bërë fytyra publike e problemeve ekonomike të vendit. Ai ka mbajtur fjalime javore në Parlament, ka rritur taksat dhe është zotuar të riparojë një qeveri që ka përqendruar gjithnjë e më shumë pushtetin nën presidencën. Në fund të fundit, thonë vëzhguesit, atij i ka munguar masa politike dhe mbështetja publike për të kryer punën.

Kurse Alahapperuma, 63 vjeç, shihet si një populist, me marrëdhënie të mira publike dhe aftësi komunikimi. Edhe pse ai është një ish-zëdhënës i qeverisë dhe ka shërbyer në poste të ndryshme, duke përfshirë Ministër të Informacionit dhe Masmedias, Ministër i Sportit dhe Ministër i Pushtetit në qeveritë e mëparshme, ai më parë nuk merrej parasysh për poste të larta drejtuese.

Djalë administratorësh shkolle, ai studioi shkenca politike në Universitetin e Iowa-s, por nuk fitoi diplomë. Ai është i martuar me një këngëtare të njohur, Pradeepa Dharmadasa.

Studentët dhe aktivistët politikë thanë se kishin planifikuar protesta të martën. Disa postime frikësuese që qarkullonin në mediat sociale i paralajmëruan ligjvënësit që të mos kthehen në zonat e tyre elektorale nëse votojnë për Wickremesinghe, i pari në foton më poshtë..

Rruga Press