Gati për shortin e Nations League, kundërshtarë të frikshëm për Shqipërinë
Shqipëria përgatitet të njohë kundërshtarët e sezonit 2022-2023 të Nations League. Në Montre të Zvicrës do të hidhet shorti i edicionit të tretë, në turneun më të ri të UEFA-s.
Pas fitoi Grupin e saj në Ligën C, Kombëtarja është promovuar në Ligën B, aty ku pozicionohet në vazon e katërt, mes skuadrave jofavorite si Sllovenia, Mali i Zi dhe Armenia. Në shortin e Ligës B janë 16 skuadra të pranishme në total dhe emrat janë të frikshëm. Në vazon 1 rreziku vjen nga Ukraina, Suedia, Bosnja dhe Islanda.
Në vazon e dytë, mes rivalëve të mundshëm janë Finlanda, Norvegjia, Skocia dhe Rusia.
Aspak të lehtë edhe kundërshtarët e vazos së tretë, nga Izraeli te Rumania, për të vijuar me Serbinë dhe Republikën e Irlandës.
Mjaft interesant do të jetë edhe shorti në Ligën A, ku Franca, Spanja, Italia e Belgjika janë koka serie. Emra si Portugalia, Holanda e Gjermania ndodhen në vazon e dytë, ndërsa Anglia është në vazon e tretë, me Zvicrën dhe Kroacinë.
Ndeshjet e grupeve të Nations League nisin në qershor dhe përfundojnë në shtator 2022.