FSK-ja gati për çdo mision, veshmbathje të reja për ekipet e kërkim-shpëtimit

October 29, 2025 User2

Ushtarët e Forcës së Sigurisë së Kosovës (FSK) që shërbejnë në njësitë e kërkim-shpëtimit do të pajisen me veshmbathje të re.

Ministria e Mbrojtjes ka finalizuar ditë më parë kontratën e radhës për furnizim, duke përmbyllur procedurat e tenderit për këtë qëllim.

Dikasteri që udhëhiqet nga ministri Ejup Maqedonci ka nënshkruar kontratën për furnizimin me veshmbathje për ekipet e kërkim-shpëtimit të FSK-së, përfshirë njësinë K9 (SUFSK 1001).

Lexo më shumë Sa herë që Aleksandar Vuçiqi është i izoluar, Edi Rama është i gatshëm t’i dalë në ndihmë (madje edhe në dëm të Kosovës)

Sipas njoftimit zyrtar, kohëzgjatja e kontratës është paraparë të jetë 36 muaj, ndërsa furnizimi do të bëhet në përputhje me specifikimet teknike të përcaktuara në dosjen e tenderit.

Qëllimi i kontratës, siç theksohet, është rritja e operacionalitetit dhe efikasitetit të FSK-së në përmbushjen e misionit të saj.

Fillimisht, vlera e parashikuar e kontratës ishte 105,000 euro, por pas përfundimit të procedurave të prokurimit, kontrata u nënshkrua për shumën 103,910 euro.

Lexo më shumë Pamje të reja të sulmeve ndaj Iranit. Raketat shihen teksa fluturojnë mbi territorin irakian drejt Teheranit

Tenderi është fituar nga operatori ekonomik “Sodex Group Sh.P.K.”, që do të jetë përgjegjës për realizimin e furnizimeve gjatë periudhës trevjeçare.

Rruga Press