Francis Kere, afrikani i parë që fiton ‘Nobelin e arkitekturës’

Vetëm 7 vjeç, Francis Kere la shtëpinë e familjes së tij për të ndjekur shkollën sepse fshati i tij, Gando në Burkina Faso, nuk kishte shkollë. 13 vjet më vonë ai u transferua në Gjermani me një bursë për zdrukthtari me ëndrrën për t’u kthyer në shtëpi një ditë në mënyrë që të ndërtonte shkollën që mungonte.

Kere e realizoi qëllimin e tij, duke u bërë arkitekt dhe duke përfunduar ndërtesën e tij të parë, shkollën fillore “Gando” në vitin 2001. Projekti e ka identifikuar Kere gjatë gjithë kësaj kohe dhe cilësohet si një trampolinë në karriereën e tij. Pasi ka transformuar më tej fshatin e tij dhe komunitetet e tjera anembanë Afrikës, 56-vjeçari tani është emëruar ndër më të mëdhenjtë e profesionit të tij.

Të martën, organizatorët e çmimit Pritzker, i quajtur shpesh Nobeli i arkitekturës, zbuluan Kere si laureatin e vitit 2022.

Arkitekti i parë afrikan e fitoi Nobelin e tij me një portofol të përbërë kryesisht nga shkolla, qendra shëndetësore dhe objekte komunitare, projekte shumë modeste për një çmim që nderon historikisht projektuesit e ndërtesave ikonike.

Rruga Press