Franca furnizon me tanke Ukrainën, Zelensky optimist për fundin e luftës

Franca pritet t’i japë tanke të lehta lufte Ukrainës, duke u kthyer kështu në vendin e parë që dërgon armatime luftarake perëndimore në shtetin e përfshirë nga lufta.

Parisi zyrtar mund të ofrojë disa nga automjetet ushtarake “AMX-10”, të cilat po zëvendësohen me modelin e ri “Jaguar”.

Ato do të jenë një hap përpara tankeve të epokës sovjetike, që vende të ndryshme i kanë dërguar Ukrainës.

“Duhet t’i japim fund agresionit rus këtë vit dhe të mos vonojmë pajisjen me kapacitete mbrojtëse që mund të përshpejtojnë mposhtjen e shtetit terrorist. Tanket moderne perëndimore janë vetëm një prej këtyre kapaciteteve”, deklaroi presidenti unkrainas Volodymyr Zelensky.

Ndërkohë në Rusi, Ministria e Mbrojtjes raportoi se ka pasur një ofensivë të vazhdueshme në drejtim të Donjeckut, duke deklaruar se trupat ruse kishin zmbrapsur me sukses kundërsulmet e palës ukrainase në jug të rajonit.

Rruga Press