FOTO/ Me rrethin e ndarë dhe flamurin kombëtar, ja kujt ia ka kopjuar grupi i Berishës logon e koalicionit

Koalicion i ri, por me asgjë të re. Është ky termi që mbase do i shkonte për shtat bashkëpunimit të ri të finalizuar një ditë më parë mes ish kryeministrit Berisha, dhe Lëvizjes Socialiste për Integrimit.

Në dukje një bashkëpunim i ri, për zgjedhjet e pjesshme vendore mes dy aleatëve të vjetër politikë, koalicioni i ri nuk mundi të prodhojë dot as një logo të re politike.

Përfaqësuesit politikë të “Shtëpisë së Lirisë”, duket se nuk janë lodhur shumë të vrasin mendjen edhe për logon e re të koalicionit duke qenë se e kanë marrë të gatshme, nga ish kryeministri Italian, Silvio Berlusconi, ndërsa shfaqi interes për të garuar si President i Italisë, nën moton “ La casa delle liberta’.

“BalkanWeb’ sjell më poshtë dy logot identitike, të cilat të vetmen diferencë kanë gjuhën dhe flamurin kombëtar. “Shtëpia e Lirisë” është emri i koalicionit të vendosur nga ish-kryeministri Berisha dhe LSI, të cilët do të garojnë bashkë në zgjedhjet e pjesshme vendore, ndërsa logo është rrethi blu, i ndarë në mes me flamurin kombëtar, kuq e zi.

Identike në formë e përmbajtje, me të vetmin ndryshim, përshtatjen e gjuhës, e flamurit kombëtar, është edhe logo e ish kryeministrit Italian Silvio Berlusconi.

Rruga Press