(Foto) Kush janë 9 gjeneralët e Putinit që lanë “kokën” në Ukrainë”? Emrat

Ushtria ukrainase pretendon se ka vrarë më shumë se 12 mijë rusë që prej fillimit të luftës, ku 9 prej viktimave janë gjeneralët e besuar të presidentit të Rusisë, Vladimir Putinit.

Forcat ukrainase raportojnë se gjenerali i fundit rus i vrarë nga ushtria e tyre është Vitaly Gerasimov, i cili u vra në luftime jashtë qytetit të dytë më të madh të Ukrainës, Kharkiv.

Gjenerali Gerasimov u dekorua në vitin 2014, pasi iu njoh pushtimi i Krimesë.

Ndërkohë mes të vrarëve janë nënkoloneli Dmitry Safronov, nënkoloneli Denis Glebov dhe kolonelin Konstantin Zizevsky, të cilët drejtuan trupat e sulmit ajror.

Safronov dhe Glebov u vranë kur forcat ukrainase rimorën qytetin Chuhuiv, ndërsa Zizevsky u vra në jug të Ukrainës.

Gjithashtu një nga të vrarët nga snajperët ukrainas është edhe gjeneralmajori Andrei.

Gjenerali Magomed Tushaev vdiq kur kolona e tij e forcave speciale çeçene, duke përfshirë 56 tanke, u shkatërrua pranë Hostomelit, në veri-lindje të qytetit.

Gjithashtu mes të vrarëve rusë është edhe komandanti i luftës Vladimir Zhonga, i cili drejtoi Batalionin Sparta, një njësi ushtarake neo-naziste që ka mbështetjen e Kremlinit.

Grupi qëndron pas një vale sulmesh vdekjeprurëse kundër trupave ukrainase dhe ka zhvilluar luftë në rajonin e Donbass që nga shpërthimi i armiqësive tetë vjet më parë.

Dy komandantë të tjerë të lartë rusë të paidentifikuar janë vrarë gjithashtu në luftime.

Rruga Press