Foto/Banorët e qytetit të Odesa-s përgatiten për sulme të mundshme ruse

Banorët e Odesës po përgatiten për një zbarkim të mundshëm të forcave ruse.

Të premten, kryebashkiaku i zonës tha se trupat ruse së shpejti mund të rrethojnë qytetin port jugor të Ukrainës në tre fronte.

Odesa, qyteti i tretë më i madh i Ukrainës, është i rëndësishëm për Putinin – nëse ai mund ta kontrollojë atë, atëherë ai mund ta shkëputë Ukrainën nga deti.

Kryebashkiaku Gennadiy Trukhanov ka thënë se forcat ruse do të përpiqen të avancojnë nga territoret që ata kanë pushtuar në rajonin e Mykolaiv të Ukrainës drejt rajonit të Transdniestrisë të kontrolluar nga separatistët e Moldavisë, ku janë vendosur trupat ruse.

Një veprim i tillë gjithashtu mund të shkëputë Odesën nga pjesa tjetër e Ukrainës.

“Gjithashtu, ne mendojmë se ndërkohë që kjo po ndodh, anijet ruse zbarkuese mund të na rrethojnë nga deti”, shtoi ai.

© Rruga Press