Forcat ruse po tërhiqen nga Chernihivi

Forcat ruse janë duke u tërhequr nga Chernihivi në veri të Ukrainës, ka thënë guvernatori lokal Viacheslav Chaus, raporton BBC.

Duke folur në një videoadresim, Chaus ka shtuar: “Sulmet ajrore dhe me raketa janë ende të mundura në rajon, askush nuk e përjashton këtë mundësi”.

Ai ka shtuar se forcat ukrainase po futen në pjesë që më herët u mbajtën nga trupat ruse.

Ai ka thënë se është tepër herët për trupat ukrainase që ta ulin mbrojtjen, pasi trupat ruse janë ende në Ukrainë.

Rruga Press