Finlanda fillon ndërtimin e një gardhi rreth Rusisë, do të jetë 55 kilometra i gjatë

Qeveria e Finlandës ka nisur zyrtarisht punën për ndërtimin e një gardhi në lindje të vendit, në kufirin me Federatën Ruse.

Puna filloi me heqjen e pemëve në pikën kufitare të Imatrës, dhe rrethoja në këtë pjesë duhet të jetë tre kilometra e gjatë, transmeton Telegrafi.

“Ne po shqyrtojmë nëse gardhi mund t’i rezistojë ngricave të dimrit, ngarkesave të borës apo një mase të mundshme njerëzish që mund të vijnë nga lindja. Në mars do të fillojmë vendosjen e gardhit dhe pas kësaj, ndërtimin e sistemit të kontrollit teknik”, thanë autoritetet.

“Është planifikuar të ndërtohet një gardh prej 55 kilometrash në juglindje të Finlandës, shtatë kilometra në Karelinë e Veriut dhe pesë kilometra në Lapland. Ndërtimi i këtyre gardheve do të bëhet nga viti 2023 deri në vitin 2025”, shpjeguan ata.

Me rastin e ndërtimit të gardhit në fund të vitit 2022, kryeministrja e Finlandës, Sanna Marin, njoftoi se Finlanda duhet të jetë e gatshme për të gjitha aktivitetet përçarëse.

“Është një çështje e sigurimit të mbikëqyrjes së duhur të kufirit lindor të Finlandës në të ardhmen”, u tha Marin gazetarëve përpara një takimi me grupet parlamentare për çështjen e gardhit kufitar.

Rruga Press