Festuan në jaht, Gates dhe Bezos cilësohen si hipokritë ndaj qëndrimeve për klimën
Bill Gates festoi 66-vjetorin e tij në një jaht luksoz, të të cilin qe i ftuar edhe miliarderi Jeff Bezos. Dyshja u cilësuan si hipokritë pasi mjetet e transportit, të cilat përdorin ndihmojnë në përkeqësimin e klimës.
TURQI– Themeluesi i Microsoft, Bill Gates festoi ditëlindjen e tij të 66-të nën shoqërinë e themeluesit të Amazon, Jeff Bezos këtë të premte, në një superjaht në brigjet e Turqisë. Bezos ishte ndër pesëdhjetë të ftuarit në festën private të Gates pranë Mesdheut. Sipas mediave, Bezos udhëtoi për në superjahtin e Gates me helikopter: një udhëtim vajtje-ardhje prej 120 miljesh midis Govokës dhe qytetit turistik Fethiye. Të dy miliarderët janë cilësuar si hipokritë për fjalimet e tyre mbi nevojën për të luftuar ndryshimet klimatike, pasi përdorin mjete që emetojnë karbon dhe gazra të dëmshëm.
“Bill Gates mbajti një festë 4 orëshe për ditëlindje në Turqi, 50 njerëz u fluturuan me helikopterë privatë nga jahtet e tyre. Këta janë njerëzit, të cilët duan që ju të merrni autobusin për në punë dhe të bëni sakrifica të tjera për ndryshimin e klimës”, shkroi një përdorues në Twitter.
Bill Gates held a 4 hour Birthday party in Turkey, 50 people were flown in private helicopters from their yachts off anchored offshore…
— JoJoGizmo (@Lostboyjojo) October 31, 2021
These are the people who want you to take the bus to work and make other sacrifices for climate change.
Sipas Business Insider, të ftuarit e Gates u transportuan me helikopterë nga megajahti ‘Lana’ në plazhin e izoluar ‘Sea Me’ në Fethiye. Aty thuhej se Gates e kishte marrë me qira jahtin për 1.8 milionë paund në javë. Gazeta turke Yeni Safak raportoi se jahti është i kompletuar me palestër, xhakuzi, klub plazhi dhe pishinë. Festa e ditëlindjes së Gates vazhdoi për katër orë, gjatë së cilës mysafirët nuk u lejuan të përdornin celularët e tyre./dosja/