Fanella e Messit dhe një libër, Papa merr dhuratën e bukur nga Kryeministri francez

Papa Françesku, një tifoz i madh i futbollit, mori një dhuratë të pazakontë të hënën nga Kryeministri i Francës, Jean Castex, një fanellë e firmosur nga shoku i Papës, argjentinasi Lionel Messi.

Sipas Reuters, Jean Castex i dha papës fanellën me kornizë qelqi me numrin 30, të nënshkruar nga Messi, i cili luan për Paris St Germain, pas 35 minutash bisedime private në Vatikan.

Papa, 84 vjeç, është takuar me Messin, 34 vjeç, dhe dikur e quajti atë një nga futbollistët më të mëdhenj të të gjitha kohërave. Papa Françesku është një tifoz i përjetshëm i ekipit të futbollit Buenos Aires San Lorenzo.

Kryeministri francez i dha gjithashtu Papës një dhuratë më tradicionale, një botim të vitit 1836 të “Notre Dame de Paris”, romani klasik i Victor Hugo të shkruar në Paris të vitit 1482.

Castex ishte duke vizituar Vatikanin dhe Romën për festimet që shënonin njëqindvjetorin e rivendosjes së marrëdhënieve diplomatike midis Francës dhe Selisë së Shenjtë. Pas takimit me papën, Castex vizitoi Kapelën Sistine dhe Bazilikën e Shën Pjetrit.

Rruga Press