Estonia kap një cisternë ruse në Detin Baltik për herë të parë

Një cisternë nafte e lidhur me Kremlinin u ndalua nga autoritetet estoneze të premten jashtë Talinit, në atë që shënon herën e parë që vendi baltik ka shënjestruar drejtpërdrejt “flotën hije” të Rusisë.

Anija, e quajtur Kiwala, thuhet se kishte funksionuar nën flamurin e Xhibutit.

Megjithatë, ajo u kap duke mos valëvitur flamurin, gjë që përbën shkelje të ligjit detar.

Megjithëse ekuipazhit dha një certifikatë flamuri, autoriteti detar i Xhibutit tha se nuk mund ta gjente Kiwala në regjistrin e tij kombëtar, shkruan euronews.

“Anijet si kjo në fakt nuk lejohen të operojnë. Estonia ushtroi të drejtën e saj për të ndaluar anijen për inspektim”, tha zëvendësdrejtori i Përgjithshëm i Bordit të Policisë dhe Rojeve Kufitare (PPA) Veiko Kommusaar.

“Kiwala është sanksionuar nga BE”, shtoi Kommusaar.

Për më tepër, anijet kanë qenë nën sanksione të mëtejshme nga Kanadaja, Zvicra dhe Britania e Madhe, sipas raporteve.

Bëhet e ditur se ajo ishte rrugës për në portin rus të Ust-Luga.

Si pjesë e “flotës hije” të Moskës, dyshohet se transporton naftë ruse për të anashkaluar sanksionet.

Kiwala tani do të qëndrojë nën roje nga tre anije të marinës derisa të përfundojnë kontrollet e mëtejshme.

“Nuk është sekret që gjatë vitit të kaluar, një numër anijesh janë shfaqur në Gjirin e Finlandës që lundrojnë pa dokumentacion të duhur”, shpjegoi Kommusaar.

“Dhe mund të thuhet fare qartë se është pjesë e flotës hije, e cila përdor Detin Baltik për të transportuar mallra, gjë që është e ndaluar”.

Ndryshe, pronari i anijes është Tirad Shipping, një kompani me bazë në Mauritius që operon vetëm një anije – Kiwala.

Rruga Press