Eksportet e Shqipërisë bien për të katërtin vit radhazi, janari 2026 nis me tkurrje

Eksportet në Shqipëri vijojnë ciklin rënës ku kanë hyrë prej katër vitesh, duke e nisur edhe vitin 2026 me tkurrje.

Sipas të dhënave të publikuara nga INSTAT, në muajin janar eksportet e mallrave arritën vlerën 26.7 miliardë lekë (rreth 277 milionë euro), 4.5% më pak krahasuar me janarin e vitit 2025.

Në muajin e parë të këtij viti, ndikimin negativ kryesor e dhanë grupet e mineraleve, energjisë elektrike, si edhe tekstilet dhe këpucët e prodhuara nga kompanitë fason.

Nga ana tjetër, importet në janar arritën në 57 miliardë lekë, rreth 4% më pak se në të njëjtën periudhë të një viti më parë.

Si pasojë, deficiti tregtar për muajin janar u regjistrua në 31 miliardë lekë, 3.6% më i ulët krahasuar me janarin 2025 dhe 41.3% më i ulët se në dhjetor 2025.

Sa i përket partnerëve tregtarë, rënia më e madhe e eksporteve u shënua drejt Italia dhe Kosova, ndërsa rritje pati drejt Gjermania dhe Greqia. Në importe, ulja më e madhe u regjistrua nga Italia dhe Greqia, ndërsa rritje u shënua nga Kina dhe Turqia.

Sipas strukturës së tregtisë, shkëmbimet me vendet e Bashkimi Evropian zënë 55% të totalit, ku eksportet drejt BE-së përbëjnë 74% të eksporteve totale, ndërsa importet nga BE-ja zënë 47% të totalit të importeve.

Rruga Press