E fundit/Biden shpall zyrtarisht ndalimin e importeve të naftës ruse

Presidenti amerikan Joe Biden ka njoftuar zyrtarisht ndalimin e importeve të naftës ruse në hakmarrje ndaj pushtimit të vendit në Ukrainë.

Ai shtoi se ndalimi do të përfshijë gjithashtu importin e gazit dhe energjisë nga vendi.

Ndalimi do të vijë si një goditje tjetër për ekonominë ruse, e cila tashmë është goditur nga një sërë sanksionesh nga Perëndimi.

Në një deklaratë televizive, ai tha se SHBA-ja e mori vendimin në konsultim të ngushtë me aleatët e saj, por ai e kupton se disa nga aleatët e saj evropianë nuk do të jenë në gjendje të bëjnë të njëjtën lëvizje, për shkak të varësisë që kanë nga nafta ruse.

Ai shtoi se SHBA-ja ka zbatuar sanksionet më të rëndësishme në histori ndaj Rusisë dhe ka “gjymtuar” aftësinë e vendit për të bërë biznes si dhe ka dëmtuar ekonominë e saj.

Rusia ka kërcënuar më parë se do të ndërpresë të gjitha furnizimet me gaz në Perëndim nëse zbatohet një ndalim për importet e saj të naftës.

Rruga Press