Drejtori i Institutit “Octopus”, Fetoshi: Petkoviq, ky zëdhënës i `Botës Serbe`

July 2, 2025 user 1

Drejtori i Institutit “Octopus”, Arben Fetoshi ka ironizuar me shefin e te ashtuquajturës Zyre për Kosovën në Qeverinë e Serbisë, Petar Petkoviq, duke i dekonstruktuar deklaratat e tij me sloganet e Orwell-it në veprën “1984”.

Sipas Fetoshit, edhe vetë Orwell-i do t’ia kishte zili fjalisë “Kurti po e rrezikon paqen duke ndërtuar ura”, për një kapitull të ri në kryeveprën e tij.

Lexo më shumë Analizë e re e luftës në Ukrainë - humbjet ruse janë shumë më të mëdha sesa mendohej

Mirëpo, ka shkruar më tutje ai, Petkoviq dhe shefat e tij në Beograd nuk e mësojnë Orwell-in si paralajmërim, por si manual për manipulim.

Duke perifrazuar sloganin e Vëllait të Madh, Fetoshi e ka dekonstruktuar reagimin e Petkoviqit si “lufta është paqe, ndërtimi është dhunë dhe ura është kërcënim”, gjë që sipas tij, paralajmëron rrezikun e politikës së rikthyer hegjemoniste në Ballkan.

Lexo më shumë Deputetja britanike: S’duhet të lejojmë që Ballkani të na largohet nga vëmendja, konflikti është gjithnjë i pranishëm

Prandaj, shprehet në fund drejtori i “Octopus”, emisari Sorensen duhet t’i kërkojë Petkoviqit që ta lexojë Orwell-in me sytë e parimeve dhe vlerave të BE-së.

Rruga Press