“Do përfundoni poshtë rrotave të makinave, o gazetarë të degjeneruar!” Pezullohet nga detyra nënkomisarja në Shqipëri

Drejtoria e Përgjithshme e Policisë ka pezulluar nga detyra policen në Shqipëri, e cila dje iu sul mediave dhe qytetarëve që kërkonin llogari në lidhje me ekzekutimin në mes të qytetit të Madrit Ulqinakut nga një 18-vjeçar i armatosur.

Anisa Kostani, e bërë e njohur kryesisht si kujdestare e një gjarpri dhe për komentet fyese dhe kërcënimet ndaj gazetarëve është vënë nën një hetim të thelluar nga AMP. Gazetarja Xhensila Kodra bëri me dije se AMP kishte nisur një hetim të thelluar ndaj nënkomisares Kostani dhe ajo do të jetë e pezulluar deri në përfundimin e hetimit.

Çfarë tha nënkomisarja e famshme?

Nënkomisarja e Policisë në Elbasan, Anisa Kostani ka vijuar me komentet ofenduese ndaj gazetarëve, të cilët sipas saj nuk shohin sukseset e bluve të këtij qyteti. Gjithçka nisi pas raportimit të mediave në lidhje me vrasjen e Madrit Ulqinakut mbrëmjen e djeshme në Elbasan nga 18-vjeçari Horgito Peqini, i cili nuk është kapur ende nga policia.

Kostani ka bërë një postim fyes për gazetarët në rrjetet sociale duke i cilësuar ata si njerëz të degjeneruar dhe se i kishin marrë provimet përmes favoreve nga “profesorë Don Zhuanë”, ndërkohë që në komente me një miken e saj shfryn tërësisht imagjinatën madje duke kërcënuar.

Në komunikim e sipër me mikeshën e saj të quajtur “Alda”, Nënkomisarja thotë se gazetarët mund të përfundojnë nën rrotat e makinave, ndërkohë që më poshtë e prish edhe më tepër gojën.

Pasi skandali i postimeve të saj shpërtheu në media, Nënkomisarja e bërë e famshme për gjaprin që mban në shtëpi ka fshirë komentet me fyerje, por ka mbajtur ende në profil postimin e pazakontë për një punonjës policie, i cili bie ndesh edhe me Rregulloren e Sjelljes së Punonjësve të Policisë së Shtetit./abcnews.al

Më poshtë, komunikimi publik në Instagram i Nënkomisares Anisa Kostani dhe mikeshës së saj mbi gazetarët:

Rruga Press