Dita Ndërkombëtare e Personave të Zhdukur nga lufta në Kosovë – Mbi 1.600 të zhdukur

August 30, 2024 User2

Sot është Dita Ndërkombëtare e Personave të Zhdukur. Në Kosovë janë edhe mbi 1600 persona të zhdukur.

Kjo ditë do të shënohet me disa aktivitete nga Këshilli Koordinues i Asociacioneve Familjare te të Zhdukurve të Kosovës në koordinim me Komisionin Qeveritar për Persona të Zhdukur.

Marshi përkujtimor fillon nga ora 09:30, nga sheshi “Zahir Pajaziti”, për të arritur te Lapidari dedikuar personave të zhdukur, pranë ndërtesës së Kuvendit të Kosovës.

Lexo më shumë Murati: Gjithsej 3.6 miliardë euro do të jenë në dispozicion për mbështetje të punëtorëve, familjeve, bizneseve, e sektorëve të tjerë strategjikë

Vendosja e luleve te lapidari për persona të zhdukur fillon në orën 10:00. Vizita dhe homazhe në lokacionin e pranimit të mbetjeve mortore gjatë procesit të riatdhesimit afër pikë kalimit kufitar në Merdar fillon nga ora 12:00.

Pas përfundimit të luftës në Kosovë, në vitin 1999, të zhdukur kanë qenë rreth 6.500 persona. Që nga ajo kohë janë kryer disa zhvarrime në varreza masive në Kosovë dhe Serbi.

Lexo më shumë Mid'hat Frashëri: Ç'fituam nga Kongresi i Manastirit?

Gërmimet e fundit janë bërë në muajin maj, në varrezën masive në Kizhevak të Rashkës në Serbi, ku janë gjetur mbetjet mortore të nëntë kosovarëve, të vrarë gjatës luftës.

Rruga Press