Distria Krasniqi në finalen e Grand Slam-it të xhudos në Paris

Xhidistja olimpike Distria Krasniqi është kualifikuar në finale të Grand Slam-it që po mbahet në Paris.

Krasniqi e ka mposhtur në gjysmëfinale garuesen franceze Amandine Buchard me Yuko.

Në duelin final ajo do të ndeshet me Ariane Toro Soler nga Spanja.

Distria ishte e lirë në xhiron e parë, në xhiron e dytë fitoi me Ippon ndaj Alicia Marques nga Franca.

Në çerekfinale ajo mposhti me Wazaari, Larissa Pimenta nga Brazili.

Më 7 dhe 08.02.2026 mbahet njëra nga garat më të mëdha të vitit në Paris të Francës.

Paris Grand Slam ka mbledhur 499 garues nga 80 shtete e 6 kontinente, garë e cila ndjeket nga mijëra shikues çdo vit.

Kosova do të përfaqësohet nga: Erza Muminoviq (-48 kg); Distria Krasniqi (-52 kg); Fatjona Kasapi (-52 kg); Flaka Loxha (-57 kg); Laura Fazliu (-63 kg) dhe Akil Gjakova (-73 kg)

Garuesit kosovarë do të jenë nën udhëheqjen e mjeshtrit Driton Kuka dhe trajneres Majlinda Kelmendi.

Rruga Press