DailyMail: Putini u thotë shefave të mbrojtjes të dërgojnë forcat e armatosura në dy territore të kontrolluara nga rebelët

Vladimir Putin ka urdhëruar trupat e tij të hyjnë në Ukrainë me një “mision paqeruajtës” pasi ai njohu zyrtarisht rajonet lindore të vendit si shtete të pavarura – një veprim që do t’i hapë rrugën një pushtimi rus të Kievit, të frikësuar prej kohësh.

Presidenti rus urdhëroi ministrinë e tij të mbrojtjes që të dërgojë paqeruajtës rusë në dy rajonet separatiste të Ukrainës lindore – Republikën e vetëshpallur Popullore të Donetskut dhe Republikën Popullore të Luganskut – sipas një dekreti të nënshkruar nga Putin që njeh pavarësinë e tyre.

Moska nuk dha asnjë detaj apo datë për ndonjë dislokim, me urdhrin që thoshte vetëm se ai “hyn në fuqi nga dita e nënshkrimit”.

Njohja e pavarësisë së rajoneve rebele në mënyrë efektive shkatërron marrëveshjet e paqes të Minskut dhe i hap dyert Rusisë për të nënshkruar traktate me ‘shtetet’ dhe për të dërguar hapur trupa dhe armë atje për t’i mbrojtur ato kundër ‘kërcënimeve’ ukrainase.

©Rruga Press