Çipe në tru në vend të smartfonëve! Brenda 10 viteve të ardhshme, nevojiten rregulla

Kompanitë e mëdha teknologjike do të përfundojnë duke hyrë në mendjet tona ose duke manipuluar vendimet dhe këndvështrimet tona brenda 10 vitesh, kanë paralajmëruar shkencëtarët. Një grup neuro-kërkuesish amerikanë po kërkojnë vendosjen e një rregulloreje para se teknologjia të hedhë hapin e radhës, me chipe të injektuara në tru që me gjasë do të zëvendësojnë smartfonët si mjeti kryesor i aksesit në internet.

Ekziston frika se nëse nuk rregullohet kjo teknologji e re spektakolare, që do të jetë e disponueshme brenda dekadës së ardhshme, njerëzit mund të shndërrohen në marioneta.

Parashikimi të kujton filma hollivudianë si Inception, ku Leonardo Di Caprio luan rolin e një hajduti që vjedh informacione duke u infiltruar në subkoshiencën e shënjestrave të tij. Por, Rafael Yuste, një profesor neuroshkence në universitetin e columbias në Nju Jork, thotë se kjo distopi nuk është më fanta-shkencë dhe se shumë shpejt mund të bëhet një realitet i shtrembër.

Sipas tij, gjigandët e teknologjisë po planifikojnë shuma kolosale parash për garën për të zhvilluar aparaturat e gjeneratës së re që do të zëvendësojnë smartfonët dhe do të lidhin trurin tonë me rrjetin. Facebook po punon për shkrirjen e trurit me kompjuterat. Ndërkohë kompania neuralink e Elon Musk ka eksperimentuar teknologjinë e ndërveprimit me mendjen e majmunëve.

Rruga Press