Cilat janë ritualet dhe hapat që ndërmerr Vatikani pas vdekjes së Papës

Me vdekjen e Papës vihen në lëvizje ritualet më solemne dhe me koreografinë më të përpiktë të Kishës Katolike.

Papa Françesku rishikoi disa nga ritet vitin e kaluar, duke thjeshtuar ritet për të theksuar rolin e tij si një peshkop i thjeshtë dhe për të hapur mundësinë e varrimit jashtë Vatikanit.

Por elementet thelbësore mbeten, përfshirë tre momentet kyçe që duhet të vëzhgohen nga vdekja tek varrimi i një pape.

Lëvizjet ndodhen në volumin e vogël të “Riti i varrimit të Papëve të Romës”.

Kështu, një certifikatë vdekjeje shpallet dhe apartamentet e atit të shenjtë mbyllen. Trupi dërgohet në bazilikën e Shën Pjetrit dhe këndohet Litania e Shenjtorëve, nën kujdesin e kamerlengut, që udhëheq procesionin.

Një natë përpara varrimit, kamerlengu kujdeset për mbylljen dhe vendosjen e vulave në arkivolin e atit të ndjerë, në prani të kardinalëve të vjetër. Një mbulesë e bardhë vendoset mbi fytyrën e Papës.

Dekani i Kolegjit të Kardinalëve thërret këta të fundit për funeralin dhe drejton meshën para nisjes së konklavës. Posti aktualisht mbahet nga kardinali Giovanni Battista Re, kreu i tërhequr i zyrës së peshkopëve të Vatikanit.

Papa duhet të varroset nga 4 deri në 6 ditë nga vdekja e tij. Një periudhë 9-ditore zije e pason ceremoninë. Shumica e procedurave janë të caktuara nga vetë Papa, me udhëzime të detajuara që ekzekutohen nga kamerlengu.

Ndërkohë, 15 deri në 20 ditë nga vdekja e atit të shenjtë nisë konklava. Bëhet fjalë për asamblenë me dyer të mbyllura ku Kolegji i Kardinalëve zgjedh liderin e ri të Kishës Katolike.

Fjala “konklavë”, e cila vjen nga fjala latine “cum clave”, që do të thotë “me çelës në dorë”, i referohet fshehtësisë dhe izolimit që u imponohen pjesëmarrësve.

Rruga Press