Cila mendoni se konsumon më shumë birrë, Shqipëria apo Kosova?

Njerëzimi ka pirë birrë që prej kohërave të Mesopotamisë së lashtë, para rreth 7,000 vjetësh, e ndoshta edhe më herët se kaq. Edhe sot është ende një prej pijeve më të konsumuara anembanë globit. Por konsumi i birrës ndryshon shumë varësisht nga vendi.

Në SHBA, Budweiser është birra më popullore. Në një rangim së fundi nga agjencia TOP, Budweiser u radhit e para në 23 prej 50 shteteve të SHBA-së.

Kina është vendi që ka konsumuar më së shumti birrë në vitin 2020. Në këtë vend janë pirë më shumë se 36 milionë kilolitra të birrës, që i bie 20,3% e sasisë së përgjithshme të birrës së konsumuar në tërë botën, që ka qenë 177 milionë kilolitra.

Kina dhe SHBA-ja janë ndër vendet me dendësi të madhe të popullatës dhe kuptohet që edhe konsumi i tyre total i birrës është më i lartë se mesatarja.

Republika Çeke është vendi me konsumin më të lartë të birrës për kokë banori.

Ky është viti i 28-të me radhë që Republika Çeke radhitet e para për sasinë e birrës së konsumuar për kokë banori, sipas Kirin Holdings.

Sa i përket Shqipërisë konsumi shkon në 30 litra për banor, kurse Kosova më pak se gjysma, vetëm 13 litra për banor.

Rruga Press