Çfarë po ndodh me qeverinë britanike? Pas shkarkimit të Braverman, japin dorëheqjen dy ministra

November 13, 2023 user 1

Ndryshime në qeverinë britanike. Kryeministri i Britanisë së Madhe është duke bërë një riorganizim të kabinetit të tij qeverisës.

Pas shkarkimit të Sekretares së Brendshme, Suella Braverman, dy ministra të kabinetit qeveritar kanë dhënë dorëheqje.

Sky News raporton se tani ka dhënë dorëheqje ministri i Arsimit, Nick Gibb, e po ashtu ka kërkuar të largohet edhe ministri i Shëndetësisë, Neil O’Brien.

Lexo më shumë Rusët gjatë këtij viti kanë bombarduar “aksidentalisht” 150 herë territorin e vetë

Në një postim në X, i njohur më parë si Twitter, Gibb shkroi: “Gjatë javëve të fundit kam diskutuar për marrjen e një roli diplomatik pas zgjedhjeve të përgjithshme. Për ta bërë këtë, i kam kërkuar kryeministrit nëse mund të largohem nga qeveria në riorganizim dhe ai ka rënë dakord”.

Gibb, i cili ka punuar për arsimin në qeveri për gati një dekadë, shtoi: “Ka qenë një privilegj të shërbeja si ministër.

Lexo më shumë Zëdhënëses së ministrisë së Jashtme ruse i cingëron telefoni në konferencë, dikush e urdhëron të mos flasë për sulmin me raketë ndërkontinentale në Ukrainë

“Kam bërë fushatë për Rishi Sunak verën e kaluar dhe mbetem një mbështetës entuziast i udhëheqjes së kryeministrit.”. Ministri i Shëndetësisë, O’Brien shkroi: “Ka qenë një privilegj të shërbeja në Ministrinë e Shëndetësisë”.

Rruga Press